Artist: rainhard fendrich
Song: zweierbeziehung
(spoken:)
Jetzt sitz' i wieder do und bin alla.
Wie host ma des nur ohtua könnan?
I trau' mi gor net in's Kaffeehaus umme,
weu sa si wieder ohaun tät'n über mi, die G'sichta.
Immer wor i nur der Depperte, der Blede,
ober wia i auf amoi mit Dir daherkumma bin,
do is' eana die Lod' obeg'flog'n, da ham's g'schaut.
Neidisch san's g'wesen,
vom erschten Augenblick an hob' i g'wußt, daß s' neidisch wor'n,
oba Du host mir g'hert, mir gonz alla.
(sung:)
Gestern hot mi's Glick verloss'n, Du liegst am Autofriedhof drauss'n,
dobei worst Du doch immer oi's für mi.
I konn ma's Wanan net verbeiss'n, wos worst Du für a hasses Eis'n,
und überblieb'n ist nur a Havarie.
(spoken:)
Nie wer' i den Tog vergess'n, wie mir zwa uns des erschte Moi g'seg'n
ho'm.
Es war Liebe auf den ersten Blick, i hob' sofurt g'wußt, Di muaß i ho'm,
um ollas in der Wölt.
Na, am Anfang hot er no Muck'n g'mocht, der Herr Papa,
oba dann is' er scho ausseg'ruckt mit die Tausender,
und wie'st dann vor mir g'stond'n bist, mit deine brat'n Raf'n und deine
Schweinsledersitz',
ein Bild für Götter!
Konnst di no erinnern, wie ma's erschte Mal auf der Autobahn wor'n, mir
zwa gonz alla,
wie ma dem Porsche no bei zwahundert davonzog'n san,
bei Dir hot er die Gurk'n g'hobt, der Herr Carrerra...
(sung:) Gestern hot mi's Glick verloss'n...
(spoken:)
I ko gor net versteh'n, wia des hot passieren kenna,
die Kurv'n hot doch leicht 130 vertrog'n!
Najo, vielleicht hätt' i die 6 Viertel net trinken soll'n,
oba mit 6 Vierteln is ma do net ang'soff'n, oda?
Überhaupt nix war passiert,
wann net der depperte Bam dort g'stand'n war,
für ein grünes Wien, so ein Bledsinn!
Die soll'n ihre Staud'n woanderscht hinpflonzn!
Gor nix, gor nix hätt's ma g'mocht,
wenn's ma nur'n Führerschein wegg'nummen hätt'n,
hätt' ma hoit in wilder Ehe zusammengelebt,
oba daß i di jetzt um an Kilopreis hergeb'n muaß,
des reißt ma's Herz ausse!
(sung:) Gestern hot mi's Glick verloss'n...
(Transcribed by: Kurt.Woloch@brz.gv.at)
