Artist: bap
Song: lena
Heiß, gnadenlos heiß, vill zo heiß für Ahnfang September.
Klar, Lena, ich weiß: Du häss Rääsch, bloß, dat dat och nix ändert. Mer kütt sich vüür, als ob mer en der Sauna sööß. Et rüsch noh dir un immer noch noh Heu. Ich frooch mich, wat un ob du övverhaup jet drunger drähß. Aff un zo küss du zo noh ahn mir vorbei.
Lena, Lena, Lena, Lena, saach mir: Wat soll ich noch saare?
Lena, Lena, Lena, Lena, saach mir, wodrop mir noch waade.
Still, absolut still, nur en Fleesch zappelt ahm Köder. Vill, unendlich vill woot jesaat un zerfeel dann en Wööder. Un für en fusije Katz hätt sich en Veedelstund Jeduld jelohnt, ungen em Tal ne planmäßige Zoch, ne Hauch vun Wind, paar dunkle Wolk'ahm Horizont.
Lena, hühr zo: Jequält hann mir'ns jenooch. Un wenn et bletz, zällt mer su lang mer op dä Donner waat un op die allereezte Droppe, schwer wie Blei. Kumm vüür de Düür Lena, dä Rään ess wie für uns jemaat un danz met mir un wenn et sinn muß, schrei.
